بازداشت شدگان

شیوا نظر آهاری، اۇشاق حاقلاری چالیشقانی و اینسان حاقلاری مۆخببیرلر کوْمیته‌سینین یازمانی، ۵۰۰ میلیون وثیقه‌له بۇراخیلدی. اوْ آذر آیینین ۲۹ – دان تۇتولموشدو.

نئچه گۆن اؤنجه تبریزلی وکیل و آذربایجان وکیل‌لر اوْجاغینین اینسان حاقلاری کوْمسیونو یازمانی (دبیری) عباس جمالی‌نین تۇتولماسیندان خبر وئردیک. ائشیتدیک‌لریمیزه گؤره بو دگرلی وکیل بۇراخیلیب.

عیسی سحرخیزین نوکیا-زیمنسه قارشی شیکایتی آمریکانین ویرجینیا ایالتینین محکمه‌‌سینده ائشیدیله‌جک. بۇ شیکایت‌ده عیسی سحرخیز نوکیا-زیمنسی ایرانا جاسۇسلوک وسیله‌لرینی وئرمک‌له موخالیفت‌چیلرین تۇتولماسیندا امکداشلیق ائتمگین بیلدیریب. بۇ ژۇرتالیست اؤزو موبیل تئلئفوْنونداکی دانیشیق‌لارینین ائشیدیلمه‌سی واسیطه‌سیله تۇتولوب.

یئتدی ایصلاحاتچی چالیشقان سردار مشفقین علیهیینه یازدیقلاری شیکایت‌دن سوْنرا بیر بیر اوین دوْستاغیتا گئری چاغیریلیرلار. محسن میردامادی، محسن صفایی فراهانی، محسن امین‌زاده، مصطفی تاجزاده، عبدالله رمضان‌زاده، بهزاد نبوی و فیض الله عرب‌سرخی بو شیکایتین یازان‌لاریدیرلار. اوْنلار جمهور باشقانی سئچگی‌لریندن سوْنرا کی تۇتولان‌لاردان دیرلار آنجاق چوْخلارینا آیلار دوْستاق‌دان سوْنرا مۆرخصلیک وئریلمیشدیر.